بسم الله الرحمن الرحيم يسر ادارة مركز الرحمة للتخاطب وتنمية المهارات وتعديل السلوك والأرشاد الأسري
أيمن عبدالرحمن العقباوي
أحمد فؤاد برعي
٠١١٢٥٦٦٣٦٧٦
٠١٠١٠٧٥٥٣٩٤ وتس اب
٠١١٢٨٥٥٠٥٣٩
نشر الحلقة الثانية من سلسلة منشورات.( هل انت أب سيء !!!!! )
تلبية لطلب بعض المواقع المتميزة مثل البدرشين أونلاين وغيرها من الصفحات التي طلبت منا التحدث عن ظاهرة هروب بعض الفتيات مع الشباب وادمان الشباب للمخدرات فأننا نعتزم نشر سلسلة من المنشورات عن أسباب هذه الظاهرة ودور الأسرة الفعال في خلق جو أسري يحتوي جميع افراده.
⚠️ايه الاخطاء اللي بنعملها بتاثر علي الصحة النفسية للاطفال ؟؟
????????????
في اخطاء احنا بنعملها بتأثر بطريقة غير مباشرة علي الصحة النفسية لاطفالنا هنتعرف عليها مع الحل ليها
١ - ان الاب و الام يكونوا مشغولين عن ابناءهم سواء كان السبب طموحهم او مشغولياتهم او ..... او ..... و في الاخر بيطالبوا الطفل انه يبقي متميز و متفوق و مؤدب و ... و .... ( ادي لابنك من وقتك هيكون فعلا متميز ) علي النقيض الحماية الزايدة للطفل من الاب و الام كدا هتخلي ابنك شخصية غير ناضجة / ترفض تحمل المسئولية / مش عنده طموح الحل : اننا نكون متوازنين في مشاعرنا
٢ - بلاش تدي لابنك رسايل عكسية او رسايل متناقضة زي مثلا تف علي عمو يا حبيبي و نضحك ولما يعمل نفس الحركة معانا نضربه او نزعقله التناقض دا بيربي ابك ع المزاجية و تقلب الشخصية و مش بتعرفوا مين الصح بمين الغلط
٣ - كلمة ( هدبحك / هكرهك / هموتك / ...... ) كل الكلام دا بيعلم ابنك انه يكرهك دا غير العدوانية و تنمية روح الانتقام عنده فياريـــــت بلاش منها خالص
٤ - شارك ابنك في حل مشاكله ( يعني مش انت/ي اللي دايما تتبرع في حل اي مشكله تواجهه ) لانك لو معملتش كدا ابنك هيطلع ضعيف الشخصية اتكالي مابيعرفش ياخد قرار بنفسه
٥ - بطل تنقد طفلك عمال ع بطال ( تنقده ع الغلط الكبير و الصغير و الهفوات و .. و ... ) بكدا هيكرك وجودك ادامه او اي حاجة هتجمعه معاك دا غير انك هتربيهم علي الشك بقراراتهم الحل " التربية بالقصة " قصة فيها القيمة اللي مش عجباك في الطفل
٦ - يجي الاب و الام يعوضوا في الطفل اللي ماعرفوش يحققوه زي مثلا انت لازم تطلع دكتور كدا انت بتسبب ضغط علي ابنك و خصوصا لو مش مراعي قدراته و رغباته
٧ - بلاااااااش ضرب لان دا اسلوب مدمر تربويا هتخلق من ابنك شخصية عدوانية
٨ - بلاش نظام المراقبة و التجسس اللي بيشتغل مع الاطفال لانهم بكدا هيكونوا ضعاف الشخصية / مش هيسمعوا كلامكم / مش عندهم لا ثقة فيكم ولا ثقة في نفسهم الحل : ادي لطفلك مساحة من الحرية يتحرك فيها بعيد عن مرقبتك عشان يكون واثق من نفسه
٩ - بلاش تتريق علي ابنك ادام اي حد مهما كان سواء كان اصحابه او قرايبه او ... او ... زي مثلا تتريق انه مش بيعرف يتكلم كويس لانه بكدا ممكن انك تزود الحالة اللي عنده دا غير انه ممكن يعند في الموضوع دا كانتقام منكم
١٠ - لازم تفرق بين ضغط الحياة عليك و ضغطك علي ابنك بلاش تصب ضغوط الحياة علي ابنك
منقووول
